Медиуми и медиумски содржини

Преку следните неколку прашања, тестирајте колку знаете за медиумите и медиумските содржини.

Која е разликата помеѓу информирањето и убедувањето во медиумите?

Информирањето дава специфично гледиште, додека убедувањето подразбира понуда на објективни информации кон јавноста.

Информирањето значи презентирање на факти без никаква намера да се промени нечие мислење или постапки, додека целта на убедувањето е да се промени нечиј став или однесување.

И двата пристапа имаат за цел да обезбедат релевантни информации за да можат граѓаните да формираат свои мислења за одредена тема.

Кога убедувањето може да служи за општо добро?

Кога медиумот јавно ја поддржува политичката партија затоа што ветувањата дадени од таа партија се за општото добро, како што е зајакнувањето на јавното здравје или јавната безбедност.

Кога медиумите фаворизираат една компанија пред друга, а за возврат таа компанија донира компјутери во редакцијата.

Кога медиумите објавуваат постер за кампања во кој ги повикуваат луѓето да се воздржат од возење под дејство на алкохол.

Која од следниве видови информации не е нужно (но може да биде) од јавен интерес?

Информации за имотот во сопственост на јавен функционер.

Информации за заработката на јавен функционер.

Информации за членовите на семејството на јавен функционер.

Која е разликата помеѓу „лажни вести“ и пропаганда?

Пропагандата често прикажува погрешни или лажни тврдења, додека „лажните вести“ се пристрасна содржина што јасно поддржува одредено мислење или став, застапувајќи поединец, организација или политичка партија.

„Лажните вести“ се вообичаено ненамерни грешки од страна на медиумите, додека пропагандата е пресметан напор за манипулирање со јавната перцепција.

„Лажните вести“ намерно пренесуваат неточни информации или изјави, додека пропагандата промовира конкретно гледиште или агенда, застапувајќи поединец, организација или политичка партија.

Која е разликата помеѓу фактот и мислењето?

Фактите се информации добиени од официјални извори, додека мислењата се приватни ставови на поединци.

Фактите можат да се докажат и се објективни, додека мислењата се индивидуални гледишта, кои се разликуваат од поединец до поединец и не се нужно објективни.

Фактите се информации обезбедени од доверливи поединци затоа што и претходно биле веродостојни, додека мислењата се ставови на сите други луѓе за чија веродостојност не сме сигурни.

Кое од наведените три тврдења одразува факт?

Кина е најмоќната нација во светот.

Западот е пријател на Западниот Балкан.

САД, Кина и Јапонија се трите најголеми економии во светот.

Komentariši Poništi odgovor