Gjuha e Urrejtjes në Media dhe Metodat e Bindjes në Reklama – Kosovo

Stereotipet, Paragjykimet, dhe Gjuha e Urrejtjes Për ta kuptuar më mirë dhe për ta thjeshtuar botën përreth nesh, nganjëherë përdorim edhe stereotipe. Stereotipet janë opinione ose përshtypje që kemi krijuar për dikë thjesht ngaqë i përket një grupi të caktuar (për shembull, të rinj, gra, serbë, kroatë, romë, sportistë, këngëtarë, politikanë, etj.). Ato janë opinione të përgjithësuara mbi grupe të tëra shoqërore që bazohen mbi atribute karakteristike që i veshim secilit grup. Stereotipet përbëjnë komponentin konjitiv të paragjykimit, që do të thotë se bazohen në opinione dhe përshtypje, ndërsa paragjykimi ka edhe komponent emocional (qëndrime dhe ndjesi emocionale që mund të ndryshojnë në varësi të situatës) dhe një komponent sjellje apo reagimi (konativ) – si për shembull, distancimin nga dikush thjesht ngaqë i përket një grupi të caktuar. Në fakt, gjuha e urrejtjes është një manifestim verbal i paragjykimit me fyerje ose vënie në shënjestër, çka ndikon në rritjen e nivelit të intolerancës ndaj grupeve të veçanta dhe mund të vërë në rrezik edhe individë të grupeve të vëna në shënjestër.Burimi i përkufizimit